Keep Calm and Carry On

Keep Calm and Carry On (en aragonés «Mantén a calma y tira entabant») estió un póster producito por o gubierno britanico en 1939, en primerías d'a Segunda Guerra Mundial, con l'obchetivo de puyar a moral d'a ciudadanía d'o país baixo a menaza d'una invasión inminent. Fue poco conoixito y nunca no s'emplegó. O póster fue redescubierto en 2000, y ha tornato a amaneixer como tema decorativo ta una serie de productos gracias a cuantas companyías. Se conoixeban nomás dos eixemplars orichinales d'o póster en o dominio publico, dica que una colección d'alto u baixo 15 orichinals fuoron expuestos en o programa de televisión Antiques Roadshow en 2012 por a filla de un ex-miembro d'o Cuerpo Reyal d'Observadors (Royal Observer Corps, ROC). Debito a o suyo sentito una mica irreverent s'han feito versions d'o póster, substituyindo o "Carry On" por atras frases, por eixemplo "Keep Calm and Evade the Police" ("Mantén a calma y evada a policía") u "Keep Calm and Call Batman" ("Mantén a calma y grita a Batman"), estendillando-se ascape por os rez socials como Tumblr y Facebook.